Deputeti i Lëvizjes Vetëvendosje, Hekuran Murati, ka bërë të ditur se deri më tani vetëm VV-ja është deklaruar për nismën që për postin e nënkryetarit të Kuvendit, që sipas Kushtetutës duhet të jetë nga komuniteti serb, të zgjidhet një person që nuk vjen nga Lista Serbe.
Murati ka thënë se ata i kanë ftuar edhe partitë tjera kryesore si PDK, LDK dhe AAK që t’i bashkohen kësaj nisme, por sipas tij, deri më tani nuk kanë marrë asnjë përgjigje pozitive nga këto parti.
“Besoj që qëndrimi për temën e nënkryetarit e tregon më së miri se cilat parti ende presin dhe shpresojnë për bashkëpunim me Listën Serbe, e ato janë PDK, LDK dhe AAK”, ka shkruar tutje Murati në Facebook.
The post Murati: Asnjë përgjigje pozitive nga PDK, LDK e AAK që nënkryetari i Kuvendit të mos jetë nga Lista Serbe appeared first on GazetaBlic.
About The Author
