“Nuk është kiameti”/ Xhavit Haliti flet për deklaratën e Enver Hoxhajt dhe mundësinë për koalicion VV-PDK

Deputeti nga Partia Demokratike e Kosovës, Enver Hoxhaj, ka thënë se do ta mbështeste një koalicion mes PDK dhe LVV-së, raporton GazetaBlic.

Analisti politik Arbnor Sadiku, në një prononcim për GazetaBlic, ka komentuar deklaratën e Hoxhajt, duke thënë se që nga fillimi PDK ka pasur një mendim pozitiv sa i përket koalcionit me LVV.

Sipas tij qëndrimi real i një koalicioni me LVV-në, përfaqësohet nga Hoxhaj, kurse Memli Krasniqi jem një mendim të kundërt përderisa nuk ka ndonjë ftesë nga Lëvizja Vetëvendosje, i cili shton se në rast se ndodh kjo edhe mund të ndryshoj mendim.

“Mendoj, nga fillimi që PDK – ja ka pasur një mendim pozitiv sa perket koalicionit me LVV-në, por, kjo e fundit nuk pranonte një diçka të tillë, mendoj, që qendrimi real i një koalicioni me LVV-në, përfaqsohet nga Hoxhaj, kurse, z.Krasniqi jep një mendim të kundërt perderisa s’ka ftesë nga LVV-ja, por, nese kjo ndodh, atëher ka gjas të ndryshoj mendim“, tha ai.

Ndër të tjera, Sadiku thotë se qeveria e ardhshme nuk mund të bëhet pa koalicione.

“Në fund të ditës Qeveria e ardhshme s’do mund bëhet pa koalicione, madje shto kësaj edhe zgjidhjen e presidentit në afatshkurt, e bën imediate nevojën për koalicion të madh LVV PDK, nëse LDK-ja e refuzon atë“, përfundoi ai për GazetaBlic.