Ministria e Punëve të Brendshme ka ndaluar rreptësisht ndezjen e zjarreve në të gjitha ambientet e hapura.
Lajmin e ka bërë të ditur ministri në detyrë i Punëve të Brendshme, Xhelal Sveçla.
Duke shpërndarë vendimin e marrë nga MPB-ja, Sveçla thotë se ndalimi vlen për të gjitha llojet e zjarreve, përfshirë djegien e mbeturinave, pyjeve, fushave, ndezjet për rekreacion, piknik si dhe ndezjen e fishekzjarrëve.
“Ndezja e zjarreve është vepër penale andaj shkelësit e këtij vendimi do të përballen menjëherë e pa dilemë me masat ndëshkuese që parasheh legjislacioni ynë.
I bëjmë thirrje të gjithë qytetarëve që të tregojnë kujdes maksimal dhe të respektojnë këtë vendim, duke shmangur çdo veprim që mund të shkaktojë zjarr ose përhapje të tij” deklaroi Sveçla.
The post MPB-ja ndalon rreptësisht ndezjen e zjarreve jashtë, Sveçla publikon vendimin appeared first on GazetaBlic.
About The Author
