Manchester United ka dhënë leje që Marcus Rashford, Alejandro Garnacho, Jadon Sancho, Anthony dhe Tyrell Malacia të rikthehen në stërvitjet parasezonale në një datë të mëvonshme, pasi lojtarët e informuan klubin për dëshirën e tyre për t’u larguar.
Pjesa tjetër e ekipit të parë të United do të kthehet në Carrington të hënën, raporton The Athletic, transmeton GazetaBlic Sport.
Mateus Cunha do të veshë fanellën me numër 10 të Rashford sezonin e ardhshëm, pasi u bashkua nga Wolverhampton Wanderers për 62.5 milionë £.
Rashford, Anthony dhe Malacia kaluan gjysmën e dytë të sezonit të kaluar si huazime te Aston Villa, Real Betis dhe PSV Eindhoven respektivisht, pasi nuk u përshtatën në planet e trajnerit Ruben Amorim.
Sancho iu bashkua Chelseat në formë huazimi verën e kaluar, përpara se të emërohej Amorim, megjithëse klubi nga Stamford Bridge nuk e ushtroi detyrimin e tij për ta blerë 25-vjeçarin për 25 milionë funte.
Në maj, Amorim i tha Garnachos të gjente një klub të ri pasi ai la të kuptohej për zhgënjimin e tij me Amorimin pas humbjes në finalen e Europa League ndaj Tottenham Hotspur.
/GazetaBlic Sport/
The post Pesë lojtarët e njohur e njoftojnë klubin, dëshirojnë largimin nga Manchester United appeared first on GazetaBlic.
About The Author
