Aktgjykimi i Gjykatës Kushtetuese u ka dhënë afat prej 30 ditësh deputetëve, që ta konstituojnë Kuvendin e Kosovës.
Megjithatë, edhe seancat e mbajtura pas këtij aktgjykimi kanë dështuar.
E, sot presidentja Vjosa Osmani takoi krerët e partive politike, teksa diskutoi lidhur me bllokadën institucionale dhe u kërkoi që të kenë pajtim së shpejti për konstituim të Kuvendit brenda afatit kushtetues.
Kryeministri në detyrë, Albin Kurti, tha se do të bëjë “çmos” për konstituim të Kuvendit brenda afatit, në frymën e bashkëpunimit.
Nga VV ka pasur deklarime se konstituimi do të bëhet në fund të korrikut, brenda këtij afati.
Lidhur me këtë, deputeti i LDK-së, Armend Zemaj, thotë se VV po tallet me qytetarët e Kosovës.
Ai në një prononcim për Gazeta Blic, i bëri thirrje VV-së që nëse i kanë numrat, le ta bëjnë që nesër konstituimin dhe mos të presin për në fund të korrikut.
“Kjo është papërgjegjësia e VV-së. Është tallje me qytetarët e Kosovës, por është në interes të tyre kjo situatë por e dëmshme për Republikën e Kosovës. Bëje nesër nëse ke numra, mos e le për fund të korrikut”, deklaroi deputeti Zemaj./Gazeta Blic/
Konstituimi në fund të korrikut? Kadrijaj: Këtë po e kërkojmë, le t’i bëjnë votat, mos të bllokojnë
The post Zemaj, VV-së: Nëse i keni numrat, bëjeni nesër konstituimin – mos e lini për në fund të korrikut appeared first on GazetaBlic.
About The Author
