Presidentja e Komisionit Evropian, Ursula von der Leyen, do të përballet me një votim mosbesimi në Parlamentin Evropian të enjten.
Sipas Politico, politikania gjermane do të paraqitet për debatin e mocionit të hënën në Strasburg dhe tre ditë më vonë do të kryhet votimi.
Mocioni u paraqit nga ligjvënësi rumun i krahut të djathtë Gheorghe Piperea pasi mblodhi mjaftueshëm nënshkrime javën e kaluar. Veprimi i tij lidhet me mesazhet sekrete të shkëmbyera mes Von der Leyen dhe Albert Bourla, drejtor ekzekutiv i gjigantit farmaceutik Pfizer gjatë vitit 2021. Mesazhet lidhen me sjelljen e vaksinave kundër koronavirusit në Europë në kulmin e pandemisë.
Është hera e parë në mbi një dekadë që kreu i Komisionit përballet me një sfidë të tillë. Në këtë fazë, votimi është kryesisht simbolik, pasi shumica e grupeve politike kanë sinjalizuar tashmë se do të votojnë kundër mocionit të mosbesimit, por nisma nënvizon rritjen e zemërimit ndaj saj në Bruksel pas një sërë lëvizjesh dhe skandalesh.
Nëse mocioni i mosbesimit do të miratohet, kjo do të sjellë dorëheqjen e të gjithë Komisionit. Ndërsa disa anëtarë të Partisë Popullore Europiane të Von der Leyen dhe Partisë Konservatore dhe Reformiste Europiane e tërhoqën mbështetjen për mocionin pas presionit të brendshëm.
The post Mocion mosbesimi në PE për Ursula von der Leyen appeared first on GazetaBlic.
About The Author
