Kryeministri në detyrë njëherësh kryetar i LVV-së, Albin Kurti, është deklaruar pas takimit me Presidenten Osmani.
Kurti përmes një reagimi në Facebook tha se afatet po rrjedhin dhe se në javën e fundit të korrikut duhet të konstituohet legjislatura e nëntë.
“Do të bëjmë çmos që në frymën e bashkëpunimit, me konsultime të dendura dhe konstruktive dhe gjithashtu me idenë e konsensusit apo kompromisit ta realizojmë këtë gjë, në mënyrë që më pastaj të kalojmë te formimi i qeverisë së re që i përgjigjet kuvendit të ri të Republikës” shkruan Kurti raporton “Gazeta Blic”.
Reagimi i plotë:
Diskutuam gjerë e gjatë me presidenten e vendit, Vjosa Osmani lidhur me konstituimin e Kuvendit të Republikës në dritën e Aktgjykimit të fundit të Gjykatës Kushtetuese.
Afatet po rrjedhin. Në javën e fundit të korrikut duhet që ta konstituojmë legjislaturën e nëntë. Do të bëjmë çmos që në frymën e bashkëpunimit, me konsultime të dendura dhe konstruktive dhe gjithashtu me idenë e konsensusit apo kompromisit ta realizojmë këtë gjë, në mënyrë që më pastaj të kalojmë te formimi i qeverisë së re që i përgjigjet kuvendit të ri të Republikës.
Znj. Presidente gjatë ditës do të ketë takime edhe me përfaqësues të partive tjera politike dhe mbase në fund mund të shohim se a kemi bërë përparim, sa kemi bërë përparim dhe sa është i mjaftueshëm një përparim i tillë. Le t’i japim shansin edhe takimeve tjera deri në fund për të parë se cili është progresi për të cilin jemi të interesuar të gjithë.
The post Kurti: Do të bëjmë çmos, në javën e fundit të korrikut duhet që ta konstituojmë legjislaturën e nëntë! appeared first on GazetaBlic.
About The Author
