Sulmuesi brazilian Endrick është takuar me menaxherin e përgjithshëm të Real Madridit, Jose Angel Sanchez, për të diskutuar të ardhmen e tij në klub, raporton radio Cadena COPE.
Endrick u bashkua me Realin në vitin 2024, por dështoi të depërtonte në ekipin e parë dhe kaloi pjesën më të madhe të sezonit të kaluar në stol.
18-vjeçari po kërkon të sqarojë situatën e tij këtë verë, pasi shpreson të zgjidhet për skuadrën e Brazilit për Kupën e Botës 2026.
Si menaxheri i përgjithshëm i ekipit madrilen, ashtu edhe Endrick, janë në Shtetet e Bashkuara, ku Real Madridi po merr pjesë në Kupën e Botës për Klube. Endrick është në tokën amerikane për të mbështetur shokët e tij të ekipit, megjithëse nuk është në skuadër pasi po rikuperohet nga një dëmtim.
Braziliani, i cili ka kontratë me klubin deri në vitin 2030, ka frikë se mungesa e kohës së lojës sezonin e ardhshëm mund të pengojë zhvillimin e tij. Ai bëri 22 paraqitje në La Liga sezonin e kaluar, por titullar vetëm në tre prej tyre. Ai u zgjodh në formacionin titullar vetëm një herë në Ligën e Kampionëve, duke bërë tetë paraqitje nga stoli.
/GazetaBlic Sport/
The post Endrick kërkon takim me drejtuesit e klubit, e ardhmja e tij është e pasigurt tek Real Madrid appeared first on GazetaBlic.
About The Author
