Pas vënies së gurthemelit të dy urave mbi lumin Ibër, ka reaguar kryetari i Listës Serbe, Zlatan Elek, i cili tha se serbët janë kundër një vendimi të tillë, pasi sipas tij, ura nuk do të jetë simbol i bashkimit, por i përçarjes dhe ndarjes
Ai njoftoi se Lista Serbe po nis një peticion kundër ndërtimit të urës, të cilin qytetarët do të mund ta nënshkruajnë nga e hëna, përpara selisë së partisë.
“Këto ditë kemi pasur bisedime intensive me përfaqësuesit e bashkësisë ndërkombëtare dhe presim një përgjigje më serioze prej tyre ndaj këtij provokimi të dukshëm nga Prishtina. Në fund të fundit, detyra e bashkësisë ndërkombëtare është të sigurojë paqen për çdo qytetar dhe shpresoj se ata do të kenë sukses në këtë”, thekson Elek, shkruan kossev.
Ai shton se ata nuk u pyetën për ndërtimin e një ure të re dhe theksoi se të gjithë serbët janë kundër saj.
“Ne të gjithë e dimë shumë mirë se ura mbi Ibër është simbol i vuajtjeve të popullit serb, i cili shpëtoi veriun e Kosovës me jetën e tij, si dhe imazhi i bashkësisë ndërkombëtare që flet vazhdimisht për multietnikë. Në të njëjtën kohë, ne ua bëmë të qartë të gjithëve se nuk u konsultuam dhe as nuk u pyetëm për ndërtimin e një ure të re dhe theksuam se të gjithë serbët janë kundër saj. Prandaj, ne nisëm një peticion, të cilin qytetarët tanë do të mund ta nënshkruajnë nga e hëna para selisë së Listës Serbe”, tha ai.
The post Lista Srpska i kundërvihet me peticion ndërtimit të dy urave të reja mbi Ibër appeared first on GazetaBlic.
About The Author
