Zëvendësministri i Infrastrukturës Hysen Durmishi ka publikuar video të punëve tek dy urat e reja që po ndërtohen mbi lumin Ibër.
“Filluam me betonimin e pilotave. Në vjeshtë edhe dy ura mbi Ibër”, ka shkruar ai.
Gurëthemeli i tyre u vu të martën ndërsa Kryeministri Albin Kurti kishte thënë se ato inaugurohen në vjeshtë.
Ai kishte dhënë edhe detaje duke thënë se njëra prej tyre, ajo që është vetëm për këmbësorë është e gjatë 41 metra ndërsa tjetra, për automjete dhe këmbësorë 51 metra.
Nëse gjithçka shkon në rregull me afatet e premtuara nga Kryeministri këto dy ura do të ndërtohen në një afat pothuajse rekord.
Vlen të përmendet se qeveria e Kosovës ishte kritikuar për zvarritjen e punimeve tek ura e Badovcit.
Ura që shtrihet në magjistralen Prishtinë – Gjilan, ishte mbyllur në fund të muajit prill të vitit 2023, ndërsa ishte lëshuar për qarkullim në fund të vitit 2024.
The post Nisin punimet për betonimin e dy urave të reja mbi lumin Ibër në veri të Mitrovicës appeared first on GazetaBlic.
About The Author
