Kryetari i Partisë Demokratike të Kosovës, Memli Krasniqi ka uruar Shtetet e Bashkuara të Amerikës në 249-vjetorin e Pavarësisë.
Përmes një postimi në Facebook, Krasniqi tha se ShBA është më shumë se partner për Kosovës, pasi sipas tij është shtylla e lirisë së vendit dhe shembulli më i mirë i demokracisë që frymëzon çdo ditë popujt e lirë.
“Sot festojmë bashkë me një mik të madh. Një aleat të vërtetë. Një shtet që na doli krah në ditët më të vështira dhe ishte me ne në ditët më të mira. Për Kosovën dhe popullin tonë, SHBA është më shumë se partner. Është shtylla e lirisë sonë dhe shembulli më i mirë i demokracisë që frymëzon çdo ditë popujt e lirë”, ka shkruar Krasniqi.
Tutje, i pari i PDK-së shton se Kosova është mirënjohëse për miqësinë me Shtetet e Bashkuara të Amerikës.
“Kosova është mirënjohëse. PDK është krenare për këtë miqësi – dhe e vendosur ta thellojë më tej – vit pas viti. Urime SHBA! Urime të gjithë qytetarëve amerikanë, në Kosovë dhe kudo në botë! Gëzuar 4 Korriku!”.
The post 249-vjetori i pavarësisë së ShBA-së, Krasniqi: Amerika, shtylla e lirisë së Kosovës appeared first on GazetaBlic.
About The Author
