Presidentja e vendit Vjosa Osmani tash e dy orë është në takim me Kryetarin e Vetëvendosjes Albin Kurti.
Ky takim vjen në kuadër të takimeve me liderët partiak që ka organizuar Presidentja e vendit, pas aktgjykimit të Gjykatës Kushtetuese në lidhje me zhbllokimin e institucioneve.
Duke hyrë në Presidencë u pa Anu Prattipati, e ngarkuara me punë në ambasadën e ShBA-së. Nuk dihet nëse amerikanja ka hyrë në takim ose jo.
Ndryshe, Presidentja Vjosa Osmani dhe kryeministri në detyrë, Albin Kurti kanë nisur takimin nga ora 10:00 në përpjekje për të gjetur rrugën drejt daljes nga ngërçi politik në të cilin ka hyrë Kosova si pasojë e dështimit të konstituimit të Kuvendit.Afro 2 orë janë bërë nga takimi i krerëve të shtetit.
Derisa, Osmani pritet që gjatë ditës të takojë edhe liderët e partive të tjera; kryetarin e Partisë Demokratike Memli Krasniqi nga ora 13:30.Ndërsa, tutje do të vazhdojë me kryetarin e Lidhjes Demokratike Lumir Abdixhiku dhe të Aleancës për Ardhmërinë Ramush Haradinaj.
Kujtojmë se në presidencë kanë paralajmëruar po ashtu se po që se paraqitet nevoja, presidentja është e gatshme t’i drejtohet edhe Gjykatës Kushtetuese për sqarime shtesë.
The post Osmani me Kurtin në takim, përfaqësuesja amerikane hyn në Presidencë appeared first on GazetaBlic.
About The Author
