Inter mbylli një sezon tepër zhgënjyes, pas eleminimit nga Botërori për Klube, në fazën e 1/8 ndaj Fluminenses. Një sezon në të cilin zikaltrit luftuan për të gjitha trofetë, por në fund dole duarbosh.
Megjithatë sikur të mosmjaftojë aspekti sportiv, prej dy ditësh në shtëpinë zikaltër po ziejnë polemikat. Fillimisht deklarata e Lautaros, se kushdo që nuk e ndjen të luftojë për këtë fanellë më mirë të largohet, referuar indirekt për Çalhanoglu, sikundër u konfirmua edhe nga vetë presidenti Marotta, e më pas një ditë më vonë replika e mesfushorit turk për Lautaron, nëpërmjet një postimi, shkaktuan një tronditje të madhe tek zikaltrit.
Megjithatë sikur të mos mjaftonte vetëm kaq, e përditshmja italiane La Gazzetta dello Sport ditën e sotme në faqen e parë thellon përçarjen mes lojtarëve, me faktin se edhe sulmuesi francez Marcus Thuram mbështet në këtë çështje Çalhanoglun, duke u pozicionuar kundër kapitenit Lautaro.
Një krizë e thellë, një përçarje që lë shumë vend për komente, por ajo që drejtuesit zikaltër duhet të bëjnë tani është sheshimi i tyre, duke qenë se sezon i ri vjen shumë shpejtë.
Ndërkohë janë po mediat italiane që japin edhe alternativat se cilët mund të zëvendësojnë Çalahanoglun, në rast të largimit nga Inter. Skudra milanezë duket se do të synojë afrimin e mesfushorit brazilian të Atalantës, Ederson. Ai pëlqehet shumë nga Marotta, ndërkohë që për të ka ndezur dritën jeshile edhe tekniku Chivu./ballkanweb
The post Polemika pa fund tek Inter, përçahen zikaltrit, edhe Thuram pozicionohet kundër Lautaros appeared first on GazetaBlic.
About The Author
