Konsulenti politik Xhevdet Pozhari, i ftuar në emisionin “Këndi i debatit” në Tëvë1, ka komentuar tërheqjen e papritur të kryetarit aktual të Mitrovicës, Bedri Hamza, nga gara për një mandat të dytë në zgjedhjet lokale të tetorit.
“Ishte befasi që u tërhoq Bedri Hamza nga kandidatura në Mitrovicë. Është gjë e pazakontë, sepse në praktikën e deritanishme, kryetarët që kanë punuar mirë zakonisht synojnë edhe mandatin e dytë,” tha Pozhari.
Ai theksoi se Mitrovica është një prej komunave me më së paku arritje në aspektin e performancës.
“S’ka kryetar që nuk thotë se ka bërë punë dhe synon mandatin e dytë, por është mirë nga ana e tij që e ka pranuar dhe është tërhequr,” u shpreh Pozhari.
Sipas tij, ky vendim është i rrallë në skenën politike lokale dhe hap diskutime për arsyet reale që mund të kenë çuar në këtë tërheqje.
The post Pozhari: Tërheqja e Hamzës nga gara në Mitrovicë ishte befasi appeared first on GazetaBlic.
About The Author
