Kadri Kryeziu, ish-nënkryetar i Gjykatës Kushtetuese ka folur në ‘RTKPrime’ për dështimin e konstituimit të Kuvendit të Kosovës. Ai, duke komentuar aktgjykimin e Gjykatës Kushtetuese, ka thënë se interpretimin gjyqësor e bën organi dhe interpretimin përfundimtar të Kushtetutës është Gjykata Kushtetuese si organi i centralizuar.
Lidhur me interpretimet që po bëhen ndaj aktgjykimit të Kushtetueses për konstitumin e Kuvendit, Kryeziu vlerëson se në sistemet demokratike është e drejtë e secilit për të ushtruar këtë veprim, ashtu edhe e ligjvënësve.
“Në këtë rast vetëm shteti nuk duhet të flasë. Ai ka vetëm një detyrë, ai është ta zbatojë vendimin”, tha Kryeziu.
Sipas tij, aktgjykimet e Gjykatës Kushtetuese shndërrohen në ligje detyruese.
“Brenda 30-ditësh nëse deputetët nuk e konstituojnë Parlamentin bëjnë cenim të rendit kushtetues e juridik. Është vepër penale e sanksionuar me kodin penal të Republikës së Kosovës në masë ndëshkuese”, tha Kryeziu.
Ai më tej tha se vendimi është i jashtëzakonshëm, ka marrë disa veprime shumë të mira të cilat krijojnë efekte pozitive në ndërtimin e institucioneve.
The post Kryeziu: Aktgjykimet e Gjykatës Kushtetuese shndërrohen në ligje detyruese appeared first on GazetaBlic.
About The Author
