Ylli i ri i Barcelonës, Lamine Yamal, pati një tjetër sezon të shkëlqyer me ekipin katalanas, në të cilin ai ishte ‘motori’ për fitimin e La Ligës, Kupës së Mbretit dhe Superkupës së Spanjës.
Drejtuesit e klubit kanë vendosur t’ia japin fanellën me numër 10 Yamalit, i cili duket se është gati ta marrë përsipër këtë përgjegjësi dhe më shumë. Sipas mediave spanjolle, lojtari ndërkombëtar spanjoll i ka kërkuar trajnerit Hans-Dieter Flick që të bëhet ekzekutuesi kryesor i penalltive dhe goditjeve të lira sezonin e ardhshëm, transmeton GazetaBlic Sport.
Adoleshenti ka një gjuajtje të shkëlqyer, pasi ka shënuar 18 gola në të gjitha garat në sezonin 2024/2025. Megjithatë, arma më e fortë e Yamal deri më tani janë pasimet e tij, siç dëshmohet nga 25 asistet e tij sezonin e kaluar.
Nëse Flick do ta plotësojë dëshirën e yllit të tij të ri, mbetet për t’u parë në fillim të sezonit të ardhshëm, kur Barcelona do të duhet të ekzekutojë goditjet e lira dhe penalltitë.
/GazetaBlic Sport/
The post Lamine Yamal dëshiron penalltitë dhe gjuajtjet e lira, e kërkon këtë gjë nga Flick appeared first on GazetaBlic.
About The Author
