Skuadra e Prishtinës ka konfirmuar largimin e mbrojtësit të tyre, Dion Gallapeni, i cili të ardhmen do ta vazhdojë në Poloni.
Tashmë është mësuar se lojtari do t’i bashkohet klubit polak, Widzew Lodz, gjë e cila u raportua nga Arlind Sadiku.
Ky transferim do të jetë rekord për klubin e Prishtinës, teksa tashmë janë mësuar edhe disa detaje të kalimit të futbollistit nga Prishtina tek Lodz në Poloni.
Siç mëson GazetaBlic Sport, futbollisti ndodhet momentalisht në Poloni dhe para pak momenteve ka kompletuar me sukses testet mjekësore.
Gallapeni sot iu nënshtrua testeve të detajuara mjekësore, teksa para pak minutave, ai i ka kompletuar ato me sukses.
Tjetër detaj interesant është se Prishtina do të mbajë 10% të kartonit të lojtarit në rishitjen e tij, teksa do ketë edhe përfitime tjera të bonuseve, nëse ato përmbushen.
Gallapeni nesër do të nënshkruajë kontratën, teksa zyrtarizimi do të bëhet nesër, më së largu pasnesër nga vet klubi polak.
/GazetaBlic Sport
The post Dion Gallapeni kryen me sukses testet mjekësore tek Widzew Lodz, FC Prishtina mban 10% të kartonit të tij appeared first on GazetaBlic.
About The Author
