Deputeti i Aleancës për Ardhmërinë e Kosovës, Bekë Berisha, ka komentuar vendimin e Gjykatës Kushtetuese, duke thënë se ai duhet të shërbejë si hap drejt zgjidhjes së krizës politike.
Sipas tij, situata ka humbur kuptimin dhe partitë nuk duhet të fokusohen vetëm te përfitimet elektorale, por te interesi i vendit.
“Duhet të reflektojmë të gjithë. Nuk na detyron askush të votojmë siç do dikush, por është momenti të dalim nga ngërçi,” deklaroi Berisha. Ai shtoi se me vullnet të mirë, kjo situatë mund të zgjidhet.
“Letra prej Gjykatës Kushtetues po komentohet në të gjitha format, sikur kanë fituar ata ose opozita ose pozita. Mirëpo është mirë që kemi vendim dhe duhet me hap rrugë, duhet të reflektojmë të gjithë, kësaj situate i ka humbur kuptimi nuk duhet me menduar partitë politike qysh po e fitojnë elektorlarisht por si po dalin nga ngërçi dhe duhet me menduar prej vendit. Fatkeqësisht ata kanë marrë vota shumë janë shumicë, nëse hyjnë në atë rrugën e kundërshtimit edhe të ngërçit që e kanë prodhuar prej fillimit nuk kemi çfarë të bëjmë, me pasur vullnetin e mirë për me zgjedh këtë situatë. Duhet të reflektojmë të gjithë, nuk mundet askush të na detyrojë askush të votojmë sic do dikush, ne besoj që duhet të respektojmë dhe është moment që duhet të dalim nga ngërçin”, shtoi ai.
The post Bekë Berisha: Duhet të reflektojmë të gjithë dhe të dalim nga ngërçi politik appeared first on GazetaBlic.
About The Author
