Lëkundje tërmeti janë ndjerë sërish në Shqipëri këtë të enjte. Sipas Qendrës Europiane të Sizmologjisë, një tërmet me magnitudë 3.4 të shkallës Rihter është regjistruar rreth orës 13:51, me epiqendër afërsisht 17 kilometra në juglindje të Patosit.
Tërmeti kishte një thellësi prej vetëm 5 kilometrash, duke e bërë atë relativisht sipërfaqësor dhe më të ndjeshëm për banorët e zonës. Lëkundjet janë ndjerë kryesisht në qytetet Fier, Patos dhe Ballsh.
Deri më tani nuk raportohet për dëme materiale apo persona të lënduar.
Këto lëkundje vijnë pas një serie tërmetesh të shfaqura ditët e fundit në vend, ku më i forti është regjistruar pranë Fushë-Krujës me magnitudë 4.2, duke mbajtur të vëmendshëm banorët dhe autoritetet.
Institucionet përgjegjëse vijojnë monitorimin e situatës.
The post Shqipëria goditet nga një tërmet appeared first on GazetaBlic.
About The Author
