Drejtori i CIA-s, John Ratcliffe, ka deklaruar se agjencia që udhëheq ka “inteligjencë të besueshme” që tregon se programi bërthamor i Iranit është “dëmtuar rëndë” nga sulmet e fundit amerikane.
Ratcliffe ka shkruar në X, ai thotë se kjo përfshin “inteligjencë të re nga një burim/metodë historikisht e besueshme dhe e saktë” që tregon se disa objekte kryesore bërthamore iraniane u shkatërruan.
Do të duheshin disa vite që këto objekte të rindërtoheshin, thotë Ratcliffe.
Administrata Trump ka kundërshtuar një vlerësim të rrjedhur të inteligjencës i cili sugjeron se komponentët kryesorë të programit bërthamor të Iranit nuk janë shkatërruar – dhe mund të rindërtohen brenda muajsh.
Më parë në samitin e NATO-s, Presidenti Trump përsëriti pohimin e tij se programi bërthamor ishte “zhdukur”.
Derisa, sekretari i Mbrojtjes Pete Hegseth tha se vlerësimi paraprak i Pentagonit ishte bërë me “besim të ulët” dhe FBI po hetonte rrjedhjen.
The post Drejtori i CIA-s: Programi bërthamor i Iranit është dëmtuar rëndë appeared first on GazetaBlic.
About The Author
