“Meka Halal Food” me pronar Burim Pirajn, një kompani që pretendon në emrin e saj dhe në reklamat e saj se ofron për konsumatorë produkte “hallall”, i janë gjetur në depon e saj 20 mijë e 740 kg mish pule të infektuar me bakterin salmonellë, i cili është shumë i rrezikshëm për shëndetin e konsumatorëve.
Në vendimin e AUV, që e ka siguruar veriu.info, i është dhënë urdhër kompaninë “Meka” SHPK për kthimin në vendin e origjinës apo asgjësimin e lëndës së parë bazuar në rezultatin pozitiv me salmonellë.
Në arsyetimin e AUV thuhet se malli është inspektuar në depon e subjektit afarist “Meka Food” dhe është përpiluar një procesverbal me anë të të cilit është konstatuar se malli në fjalë është i kontaminuar me salmonellë dhe i njëjti nuk është për konsum njerëzor.
Më poshtë gjeni të plotë vendimin e AUV dhe arsyetimin:
Ky mish është importuar nga Rumania, më saktësisht nga kompania “SC Avicarvil Food & Distribution SRL” e cila në Rumani vite më parë kishte pasur skandal me mish të infektuar dhe madje edhe me evazion fiskal.
Veriu.info ka kontaktuar me pronarin e “Meka Food”, Burim Piraj, i cili është pyetur se çfarë ka ndodhur me ngarkesën e mishit të gjetur në depon e tij pas vendimit të AUV-it, ai ka thënë se mishi nuk është gjetur në depo dhe se ngarkesa është kthyer prapa nën kontrollin e plotë të AUV.
“Mishi nuk është gjetur në depo së pari! Mishi është importuar, dhe nga mostrat e marra në kufi për analizë ka dalë të jetë me salmonella. Për shkak të kostos së asgjësimit kemi kërkuar që malli të kthehet në origjinë. Malli nën kontrollin e plotë të AUV është ngarkuar dhe kthyer prapë!” – thuhet në përgjigjen e Pirajt.
Por portali i ka dërguar sërish pyetje pronarit të kompanisë ku i ka bashkangjitur dëshmi të faqes 2 të vendimit të AUV-it ku thuhet se malli është inspektuar në depon e subjektit afarist.
Ai ka kthyer përgjigje duke thënë “Normal që është inspektuar , e ka kuptimin se agjensia kanë ardhë edhe e kanë inspektua para se të kthehet prapa, është gjetë në gjendje të ndarë ashtu siç është udhëruar të ruhet e të mos përdorët dhe më pas janë përpiluar dokumentet për kthim në origjinë.”
The post Kompanisë “Meka”, që promovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella appeared first on GazetaBlic.
About The Author
