Në një hap të rrallë që shënon përkeqësim të marrëdhënieve diplomatike, ministria e Jashtme e Katarit ka thirrur ambasadorin Iranian pas sulmeve ndaj bazës amerikane.
Sipas Reuters, në një deklaratë zyrtare, ministria ka dënuar ashpër sulmin e Gardës Revolucionare Islamike të Iranit ndaj bazës ajrore amerikane Al Udeid në Katar, duke e cilësuar si shkelje të sovranitetit të vendit, hapësirës ajrore, ligjit ndërkombëtar dhe Kartës së Kombeve të Bashkuara.
Ministri i Shtetit për Punët e Jashtme, Sultan bin Saad Al Muraikhi, ka theksuar se sulmi ishte në kundërshtim me parimet e fqinjësisë së mirë dhe marrëdhëniet historikisht të ngushta midis Katarit dhe Iranit.
Ai poashtu ka përsëritur përkushtimin e Katarit ndaj dialogut duke bërë thirrje për rikthim në kanalet diplomatike, me qëllim shmangien e përshkallëzimit dhe forcimin e stabilitetit në rajon.
The post Shtohen tensionet: Katari akuzon Iranin për shkelje të sovranitetit, thërret ambasadorin iranian appeared first on GazetaBlic.
About The Author
