Deputetja e LDK-së, Hykmete Bajrami, ka paralajmëruar se vendi mund të përballet me mungesë totale të energjisë elektrike, madje edhe gjatë natës.
“Sasia e energjisë që po prodhohet aktualisht në Kosovë është jashtëzakonisht e vogël. Pjesa më e madhe e konsumit po mbulohet me import, dhe kjo tregon për një krizë të thellë në sistemin tonë energjetik. Aktualisht janë funksionale vetëm dy blloqe, dhe sot u pa qartë edhe tymi që ka mbuluar jo vetëm Obiliqin, por edhe Prishtinën. Kemi informacione se një nga blloqet është vënë në funksion pa vendosjen e filtrave, gjë që është e rrezikshme për shëndetin publik”, tha ajo.
Bajrami theksoi se, për shkak të mungesës së kapaciteteve prodhuese dhe keqmenaxhimit, ekziston mundësia reale që në orët e mbrëmjes apo gjatë natës të mos ketë fare energji elektrike në vend.
The post Bajrami: Ka rrezik që gjatë natës të mbetemi edhe pa rrymë appeared first on GazetaBlic.
About The Author
